Nöis
Mit dr Christa zrügg uf Dakar und äs paar Täg mit ihre dert verbracht. Nachdäm sie isch gange hetts mi grad no 2 Täg ir Grossstadt chönne haute. I ha ändlech mis Visum füre Senegal übercho und äs Transit-Visum für Gambia iighout (ja genau, das hett nume 1 Tag brucht!). Und scho bini witter Richtig Süde greist. I ha mi Rucksack gsattlet und bi am Morge am 5i Richtig Busbahnhof loszoge, mit dr Adrässe vor Valérie und em Hyacinthe im Sack, äs Sene-Frankriich-Päärli woni in Estavayer ha kenneglernt. Umereisle isch super, vor auem weme dert häre cha wome grad Bock hett und cha ga sobaud me gnueg hett. Claud, i verstah itz aues wo du verzeut hesch!
Hmm, trotz auem, o Dakar hett sini schöne Site …
