Landesinnere
I ha uf dr Reis versuecht ds Landesinnere ds fötele. Leider usem fahrende Outo, drum isch d’Qualität vo de Biuder nid umwärfend. Äs isch trochen, stoubig, sandig und mä gseht nüt ussert chlini Dörfer. Äs isch erstuundlech i sore karge Landschaft chönne ds läbe und d’Ungerschide zur Grossstadt Dakar mit ihrne Outos, Läde und em Privileg am Meer ds sii, si riisig. Am Strasserand hüüfe sich d’Abfäu vo de Outos. Was i geng no nid gseh ha isch dä famös Zug (gäu Claud), aber itz hani immerhin scho d’Schine ufeme Föteli… I gloub dä Zug muessi doch mau no näh, wüu d’Gschichte drüber si definitiv spannend. Aui wüsse vo ihm, aber niemer hett ne jeh gna…
